MGA BANTAS AT PANANDA NG PAGMAMAHALAN
Rey Jorca Supranes

Ang tao ay nagdedesisyon na parang mga bantas at pananda (punctuation marks) sa pagbibigay pagkakataon sa isang relasyon. Ang napagdesisyunang tuldokan (.-period) ang isang relasyon ay nagkakaroon ng mga tandang pananong (?-question mark). Ang panipi (“ “-quotation marks) sa mga salitang binitawan ng minamahal ang magtitimbang kung bibigyan ito ng isa pang pagkakataon. Bibigyan ng kudlit (‘ – apostrophe) ang kanyang pangalan upang akuin at maging responsable sa mga namutawing salita sa kanyang bibig. Tutuldokan smile emoticon:- colon) ang mga kundisyones para sa muling pagsisimula ng relasyon. Magbibigay babala (! – exclamation mark or interjection) na huwag ng uulitin ang pagtataksil. Sasabihin sa minamahal na sa bagong simula walang pahilis na guhit (/ - slash mark) kakabit ng pangalan nito at kailangang siya lamang sa buhay nito at wala ng iba pa. Maglalagay ng krus na pananda (+ - plus sign) sa mga magagandang pag-uugali ng minamahal upang ipagpatuloy nito ang ganitong gawain. Sa iisang layunin lalagyan ng palasa (>-arrow) na ito ang kanilang magiging adhikain upang sila ay pumasok sa isang panaklong ( ( ) - parentheses) para sa pag-iisang dibdib kung saan ang pangalan ng babae ay magkakaroon ng gitling (- hypen) . Ang dalawang taong nagmamahalan ay magkakaroon ng kuwit ( , - comma) para sa kanilang itataguyod na pamilya.