'TUBIG PAG-IBIG'
Rey Jorca Supranes

Patak.
Ulan; luha.
Mula sa
Kalangitan; mata.

Biyaya.
Tigang na lupa; matigas na puso.
Pumapawi ng
Matinding init; panggagalaiti.

Buhos.
Sinasalo; pinapahiran.
Nagdidilig; nagpapalambot.
Lupang uhaw; pusong bato.

Daloy.
Sumusuot; naiibsan.
Kailalaliman; kaibuturan.
Uhaw na ugat
Nakakalasap; nangungusap.

Pag-asa.
May aanihin; may damdamin.
May kakainin; may kapayapaan.

Ulan at luha.
Mga tubig.
Mga pag-ibig.